Xitoyda bir sutkada koronavirus yuqtirish bilan bog‘liq 51ta holat aniqlandi

Xitoyda o‘tgan sutkada 51ta COVID-19ga chalinish holati aniqlandi. Bu haqda Xitoy sog‘liqni saqlash davlat qo‘mitasi xabar berdi.

 Xabarda aytilishicha, kasallik 25 bemorda faol ko‘rinishda va 26 bemorda simptomsiz shaklda bo‘lgan. Barcha holatlar xorijdan kelganlarda aniqlanganligi aytilmoqda.

Xitoyda o‘tgan yil dekabrdan buyon 4634 kishi koronavirus qurboni bo‘lgan, 85 102 kishi kasallikka chalingan.

Shuningdek, Hongkongda 4 838, Makaoda 46 va Tayvanda 489ta holat qayd etilgan.