Qoʻshimcha funksionallar
-
Tungi ko‘rinish
Og‘ritmaydi: Xitoyda burunga purkaladigan COVID-19 vaksinasi sinovlari boshlandi
Burunga purkaladigan vaksinaning ustun jihati shundaki, u ham tizimli, ham burun va tomoqda paydo bo‘lib, virusga qarshi darhol kurashadigan lokal immunitet hosil qiladi, deydi immunolog Frenses Lund.
Xitoyda burunga purkaladigan koronavirusga qarshi vaksinaning klinik sinovlari boshlanmoqda. Bu haqda Bloomberg xabar berdi.
9 sentabr kuni Xitoy klinik tadqiqotlar idorasi sinovlar o‘tkazilishini ma'qulladi. Vaksina Beijing Wantai Biological Pharmacy Enterprise farmatsevtika kompaniyasi bilan hamkorlikda Syamen va Hongkong universiteti olimlari tomonidan yaratilgan.
Bu Xitoyda odamlarda sinalayotgan koronavirusga qarshi o‘ninchi, ammo sprey ko‘rinishidagi birinchi vaksinadir, deb yozadi Bloomberg.
Burunga purkaladigan vaksinaning ustun jihati shundaki, u ham tizimli, ham burun va tomoqda paydo bo‘lib, virusga qarshi darhol kurashadigan lokal immunitet hosil qiladi, deydi Birmingemdagi Alabama universiteti immunologi va vaksinalar ishlab chiquvchi Frenses Lund.
Hozirda dunyo bo‘yicha ikkita vaksina – Gamaleya nomidagi milliy markaz ishlab chiqqan Rossiya vaksinasi va Xitoyning CanSino Biologics Inc kompaniyasi vaksinasi ro‘yxatdan o‘tkazilgan.
Koronavirus
Mavzuga oid
18:24 / 22.05.2026
Ebola yangi shtammiga qarshi vaksina faqat olti-o‘n oydan keyin tayyor bo‘ladi – JSST
13:28 / 10.02.2026
SSV «koronavirusga qarshi vaksina olganlar hayoti xavf ostidaligi» haqidagi xabarga munosabat bildirdi
23:53 / 31.01.2026
Olimlar Nipah virusiga qarshi vaksina ishlab chiqishdi
18:06 / 29.01.2026