14:18 / 11.09.2020
4836
Уй шароитида кислород концентратори ва пульсоксиметрдан фойдаланиш бўйича тавсиялар берилди

АОКАда бўлиб ўтган брифингда Коронавирусга қарши кураш штаби аъзоси Барно Абдусаматова уй шароитида кислород концентратори ва пульсоксиметрлардан фойдаланаётган беморлар учун тавсиялар берди.

Пульсоксиметрдан кандай фойдаланиш керак?

  • Мослама ёкилгандан сўнг, ўз-ўзини синаб кўриш жараёни тугаши билан бир неча сония кутиш керак;
  • Мосламани бармоққа ортиқча босимсиз ўрнатиш керак;
  • Мослама лак билан бўялган тирноққа қўлланмайди;
  • Мосламанинг батареясини ўз вақтида зарядлаш ёки батареяларни ўзгартириш лозим;
  • Мосламадан бир кунда 2-3 маҳал, зарурат бўлса ундан кўпроқ фойдаланилади.

Уй шароитида кислород концентраторини қўллаш қоидалари:

  • Кислород концентраторини ҳаво эркин айланиши ва хонанинг мақбул намлиги бор жойга ўрнатиш керак. Мослама иссиқлик манбалари яқинига қўйилмайди;
  • Дистилланган сув билан кислородни намлаш учун мўлжалланган махсус идиш тўлдирилади;
  • Шифокор тавсиясига биноан кислород терапиясининг давомийлиги ва ҳаво оқими режими кузатилади;
  • Оила аъзоларини ўзаро зарарламаслик учун шахсий бурун канюляларидан фойдаланилади.

Кислород концентраторини ишлатиш кетма-кетлиги:

  • Резервуар белгиланган жойигача намлагич сув билан тўлдирилади;
  • Мослама ёқилади. Канюлянинг бир учи мосламага уланади, иккинчи учи эса бурун йўлларига қўйилади;
  • Кислород оқими ўрнатилгандан кейин, шифокор тавсиясига кўра кислород терапияси бошланади;
  • Кислород терапиясини бурун канюляси орқали олаётганда кўкрак қафаси ва қорин билан нафас олинади. Ўпканинг максимал даражада қисилиши ва тозаланиши учун равон нафас олинади;
  • Машғулот охирида ҳаво таъминоти тўхтатилади ва мослама электр тармоғидан ўчирилади.
Мавзу
Коронавирус Ўзбекистонда
15 март куни Ўзбекистонда коронавирусга чалинган илк бемор аниқланди.
Барчаси
Top