Huquq-tartibot idoralari vakilining ta'kidlashicha, bunday maktublar Texas shtatidagi hukumat muassasalariga ham jo‘natilgan. Ayni vaqtda tergovchilar pochta orqali boshqa shunday maktublar jo‘natilganini tekshirishmoqda.
Ma'lum qilinishicha, tergov maktublar Kanadadan jo‘natilgan deb hisoblamoqda va bunda bir ayol gumon qilinnmoqda.
Hozircha tergovchilar zaharli maktub va xalqaro terrorchilik tashkilotlari o‘rtasida aloqa borligini aniqlashmagan. Biroq ta'kidlanishicha, tergov endigina boshlang‘ich bosqichda va versiyalardan birortasini istisno qilib bo‘lmaydi.
Avvalroq ma'lum qilinganidek, joriy haftada AQSh huquq-tartibot idoralari Tramp nomiga jo‘natilgan zaharli moddali maktubni ushlab qolishgan.
Ritsin yuqori darajadagi zahar bo‘lib, o‘tmishda undan terrorchilar bir necha marta foydalanishgan.
Bu Oq uy xodimlari xavfli jo‘natmalarni qo‘lga kiritayotgan birinchi hodisa emas. 2018 yilda AQSh harbiy-dengiz kuchlarining sobiq xodimi Oq uy va Pentagonga ritsinli maktublar jo‘natishda ayblangan. Bunday zaharli modda solingan maktublar AQShning sobiq prezidenti Barak Obamaga ham jo‘natilgan.
