Ukrainaning sobiq prezidenti Pyotr Poroshenko o‘pkaning ikki tomonlama shamollashi tashxisi bilan shifoxonaga yotqizildi. Bu haqda uning turmush o‘rtog‘i Marina Poroshenko ma'lum qildi.
"Yevropeyskaya solidarnost" partiyasining Facebook sahifasida joylashtirilgan videomurojaatida u nafaqat sobiq prezident, balki qizi ham COVID-19ga chalinganini aytgan.
"Pyotr Alekseyevich Kiyevdagi koronavirus bemorlari davolanayotgan shifoxonalardan biriga yotqizildi. Erimda o‘pkaning ikki tomonlama shamollashi bo‘lishiga qaramasdan, u kuchli irodaga ega va buni kasallikka qarshi kurashda ko‘rsatmoqda", — dedi Marina Poroshenko.
Poroshenko 29 sentyabrda koronavirusga topshirgan testi musbat chiqqani va uyida davolanayotganini ma'lum qilgandi.
