09:46 / 06.10.2020
6650
АҚШда Трампнинг «коронавирусни енгганига» аталган тангалар сотувга чиқарилди
Фото: SAUL LOEB

“Оқ уй сувенирлар дўкони” (The White House Gift Shop) веб-сайтида “Трамп COVID’ни енгди” деб аталган тангалар 100 доллардан сотувга чиқарилди. Ушбу танга АҚШ маъмуриятига алоқаси бўлмаган дўконнинг эгаси Энтони Жаннини томонидан ишлаб чиқилган тангалар сериясининг бир қисми ҳисобланади.

Жаннини тангани “Трампнинг ҳокимият тепасига келиши ва COVID вируси устидан ғалаба қозонилиши”ни тасвирловчи сериядаги охирги танга деб таърифлаган. 

“Биз президент Трамп коронавирусга мусбат тест топширгани ҳақидаги қайғули янгиликларни эшитганимиздан кейин яна эътиқод қила бошладик ва унинг ҳақига дуо қилдик. Бироқ биз президентимиз бу жангнинг бошидаёқ вирусни нокаутга учрата олишини билгандик”, деб айтган дўкон эгаси. 

Эсдалик тангаси Трамп шифохонани тарк этишидан олдиноқ сотувга чиққан.

Трамп 5 октябрда коонавирусдан даволанаётган тиббий марказни тарк этди. У бу ерда 2 октябрдан бери қолаётганди. 

Top