10:33 / 18.12.2020
7195
Қамчиқ довонида кучли қор ёғиши кутилмоқда

2020 йил 19-20 декабрда Қамчиқ довонида кучли қор ёғиши кутилмоқда. Бу ҳақда “Ўзгидромет” хабар берди.

Қайд этилишича, 19-20 декабр кунлари А-373 “Тошкент-Ўш” автомобил йўлининг Қамчиқ довони қисмида қор, вақти-вақти билан кучли қор ёғиши кутилмоқда.

Хабарда айтилишича, довонда туман тушиб, кўринувчанлик 50 метргача пасайиши, шамол тезлиги секундига 17-22 метр, бирдан 25-27 метргача кучайиши мумкин. 

Йўлда қор уюмлари, яхмалак ҳосил бўлиши кутилмоқда, дейилади маълумотда.

Top