Janubiy Koreyada qat'iy karantin choralari yana 2 haftaga uzaytirildi 

Janubiy Koreya hukumati Oy taqvimi bo‘yicha Yangi yil nishonlanishi arafasida va koronavirus tarqalishi yana avj olishi mumkinligi sababli qat'iy karantin choralarini 14 fevralgacha uzaytirishga qaror qildi. 

Janubiy Koreyaning sog‘liqni saqlash va ijtimoiy ta'minot vaziri Kan De Xo koronavirusga chalinish holatlari ko‘payishiga yo‘l qo‘yilsa, mamlakatni pandemiyaning navbatdagi to‘lqini qamrab olishi mumkinligini aytgan. Karantin rejimiga bir haftadan keyin vaziyatdan kelib chiqib tuzatishlar kiritilishi mumkin.

Ayni vaqtda Janubiy Koreyaning poytaxt hududida 5 balli shkala bo‘yicha 4-darajali, qolgan hududlarda esa pastroq darajali ijtimoiy masofalashuv choralari amal qilmoqda. Seul, Kyongido provinsiyasi va Inchxon shahrida 4 kishidan ko‘proq bo‘lib yig‘ilishga taqiqlov saqlanib qolmoqda. Restoran va tamaddixonalar 21gacha ishlamoqda. Tungi klublar va barlar faoliyati to‘xtatilgan.

Oxirgi sutkada Janubiy Koreyada 305ta kasallanish holati qayd etildi. Pandemiya boshidan beri kasallanganlar soni 78 mingdan oshib ketdi.