Borrel Rossiyani Yevropa Ittifoqiga qarshi dezinformatsiya kampaniyasi olib borishda aybladi

Tashqi ishlar va xavfsizlik bo‘yicha rahbari Jozep Borrelning ta'kidlashicha, Rossiya Yevroittifoqdagi demokratiyani yomonlash va xalqaro hamkorlikka putur yetkazish uchun dezinformatsiya bilan shug‘ullanmoqda. Bu haqda u Yevroparlamentning Yevropada demokratik jarayonlarga xorijdan aralashish bo‘yicha maxsus yig‘ilishida ma'lum qilgan va Yevroittifoq faoliyatiga nisbatan yomon maqsadlarni bartaraf etishga qarata choralar kuchaytirilishiga va'da bergan.

Borrelning so‘zlariga ko‘ra, yolg‘on yoki chalg‘ituvchi xabarlar, ayniqsa, pandemiya davrida ko‘proq zararli, zero bunday xabarlar insonlar hayotini xavf ostiga qo‘yishi mumkin.

«Biz Kremlga yaqin kanallar niqob taqish befoyda ekani yoki lokdaunga qarshi ovozlar tagiga olov yoqib turishganiga guvohi bo‘ldik», deya misol keltiradi Jozep Borrel. U shuningdek, so‘nggi paytlarda bunday harakatlardan maqsad Covid-19 vaksinasi va vaksina diplomatiyasi bo‘layotganini qo‘shimcha qilgan.

Uning so‘zlariga ko‘ra, Rossiya o‘z vaksinasini ulug‘lash va G‘arb vaksinalari va ishlab chiqaruvchilarini obro‘sizlantirishga urinmoqda. « Masalan, Kreml taraf OAV Pfizer/BioNTech vaksinasini olgan odamlarda nojo‘ya ta'sirlar kuzatilgan, hattoki o‘lim ham sodir bo‘lgan degan xabarlarni tarqatishdan to‘xtagani yo‘q», deydi u.

Fevral oyi boshidagi Moskvaga tashrifi haqida gapirarkan, Borrel rossiyalik mulozimlarga konstruktiv dialog qilishga urinishi xush kelmaganligini bildirgan: «Ularga qadrli bo‘lmagan narsalar – inson huquqlari, shuningdek, Navalniy ishi bo‘yicha ham haqida so‘zlashimni xohlashmadi. Biz qasddan va koordinatsiyalangan manipulyatsiya, Yevropaning tashqi siyosati xizmatiga qarshi dezinformatsiya kampaniyasiga guvoh bo‘lyapmiz», deydi Yevropa tashqi ishlar vaziri.