YHXB haydovchilardan avtomobillarni soya va salqin joylarda qoldirishni so‘radi

Quyoshda qoldirilgan avtomobil salonidagi issiq havo harorati 55-60 darajagacha ko‘tarilib, yomon oqibatlarga olib kelishi mumkin. Bu haqda Ichki ishlar vazirligi Yo‘l harakati xavfsizligi bosh boshqarmasi ma'lum qildi.

YHXB quyoshning ta'siri natijasida avtomobil ichidagi va tashqaridagi havo haroratini ham solishtirib chiqdi.

• vaqt   -   tashqarida  -  ichkarida
• 0 daq.      +27 daraja      + 27 daraja 
• 10 daq.    +27 daraja      + 37 daraja
• 20 daq.    +27 daraja      + 43 daraja
• 30 daq.    +27 daraja      + 46 daraja
• 40 daq.    +27 daraja      + 48 daraja
• 50 daq.    +27 daraja      + 49 daraja
• 60 daq.    +27 daraja      + 51 daraja

Quyosh nurlaridan hosil bo‘lgan issiqlik avtomobil ichida juda tez to‘planishi aytilgan.

“Ayni kunlarda havo haroratining ko‘tarilishi sababli transport vositasini soya va salqin joylarda qoldirishni so‘rab qolamiz”, deyiladi ma'lumotda.