«Chirchiq – G‘azalkent – Chorbog‘» yo‘lida transport harakati cheklanadi

Joriy yilning 6-7-8 may kunlari Toshkent viloyati Bo‘stonliq tumanida velosportning shosse yo‘nalishi bo‘yicha O‘zbekiston chempionati o‘tkaziladi.

Ichki ishlar vazirligi Yo‘l harakati xavfsizligi bosh boshqarmasi xabariga ko‘ra, shu munosabat bilan Bektemir – Chirchiq – G‘azalkent – Chorbog‘ avtomobil yo‘lida ma'lum vaqtlarda transport harakati cheklanadi.

Bunda:

• 6 may kuni soat 9:00dan 14:00ga qadar Chorbog‘ avtomobil yo‘lining 34-54 kilometrlari oralig‘i;
• 7 may kuni soat 9:00dan 14:00ga qadar Toshkent – Chorbog‘ – Chimyon avtomobil yo‘lining 34-71 kilometrlari oralig‘i;
• 8 may kuni soat 9:00dan 14:00ga qadar Chirchiq shahri – Chirchiq Olimpiya zaxiralar kolleji avtomobil yo‘lida transport harakati cheklanadi.