2 iyun kuni O‘zbekistonda quruq va issiq ob-havo saqlanib turadi

2 iyunda kunduz kuni O‘zbekistonda quruq va issiq ob-havo saqlanib turadi, faqat Toshkent viloyatida kunning ikkinchi yarmida ba'zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Ba'zi joylarda shamol 17-22 m/s gacha kuchayishi mumkin. Havo harorati 34-39 daraja issiq, shimolda, janubda va cho‘l hududlarida ba'zi joylarda 40-43 daraja issiqqacha ko‘tariladi.

Poytaxtda havo biroz bulutli bo‘ladi, vaqti-vaqti bilan o‘zgarib turadi, kunning ikkinchi yarmida ba'zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Shamol sharqdan 3-8 m/s tezlikda esadi, kechga tomon 10-12 m/s gacha kuchayishi mumkin. Harorat 37-39 daraja issiq bo‘ladi.

Respublikaning tog‘oldi va tog‘li hududlarida havo biroz bulutli bo‘ladi, ba'zi joylarda o‘zgarib turadi va qisqa muddatli yomg‘ir yog‘ishi, momaqaldiroq bo‘lishi mumkin. Shamol sharqdan 7-12 m/s tezlikda esadi, ba'zi joylarda 17-22 m/s gacha kuchayishi mumkin. Harorat 25-30 daraja issiq bo‘ladi.