Andijonda «Lasetti» bilan to‘qnashgan yuk avtomobili uy devorini buzib kirdi

Joriy yilning 5 avgust kuni soat 06:00larda Andijon viloyati, Andijon tumani, “Xakan” QFY hududidan o‘tgan yo‘lda yo‘l-transport hodisasi sodir bo‘ldi.

IIV YHXB xabariga ko‘ra, haydovchi, 1997 yilda tug‘ilgan I.A. "Zil-131" rusumli yuk avtomobilida harakatlanayotib, o‘zi bilan bir yo‘nalishda bo‘lgan haydovchi, 1989 yilda tug‘ilgan I.B. boshqaruvidagi "Lasetti" rusumli avtomobil bilan to‘qnashgan va boshqaruvni yo‘qotib, atrofdagi uy devorini buzib kirgan hamda avtomobil ag‘darilgan.

YTH natijasida yuk avtomobili haydovchisiga shifoxonada birinchi tez tibbiy yordam ko‘rsatilgan. Mazkur YTH yuzasidan Andijon tumani IIB YHXB tomonidan surishtiruv olib borilmoqda.