Ashraf G‘ani bir necha soat ichida hokimiyatni toliblarga topshiradi – OAV

“Tolibon” delegatsiyasi Kobuldagi prezident saroyida muzokara olib bormoqda, deb xabar berdi Al Arabiya telekanali o‘z manbalariga tayanib.

Xabar qilinishicha, bir necha soat ichida Afg‘oniston prezidenti Ashraf G‘ani hokimiyatni toliblarga topshiradi.

Afg‘oniston prezidenti devonining ma'lum qilishicha, Ashraf G‘ani AQSh va NATO maxsus vakillari bilan maslahatlashuvlar o‘tkazgan.

Avvalroq Afg‘oniston ichki ishlar vaziri vazifasini bajaruvchi Sattor Mirzakval Kobul toliblarga tinch yo‘l bilan topshirilishini ma'lum qilgandi.