Qoʻshimcha funksionallar
-
Tungi ko‘rinish
AQSh Afg‘onistondan olib chiqayotgan afg‘onlar Ispaniyadagi harbiy bazalarga joylashtiriladi
AQSh Afg‘onistondan olib chiqayotgan afg‘onlar vaqtincha Ispaniyadagi harbiy bazalarga joylashtiriladi. Ispaniya bosh vaziri Pedro Sanches AQSh prezidenti Jo Bayden bilan telefon suhbatida bu maqsadda Rota va Moron bazalarini taqdim qilishga rozi bo‘lgan.
Keyinchalik qochqinlar boshqa davlatlarga jo‘natiladi.
OAVda ma'lum qilinishicha, ikki yetakchi suhbat chog‘ida Afg‘onistondagi vaziyatdan xavotir bildirgan va xalqaro hamjamiyat Afg‘onistondan evakuatsiya va repatriatsiya amaliyotlarini yengillashtirish uchun yaqindan hamkorlik qilishi zarurligini ta'kidlab o‘tgan.
Ma'lumotlarga ko‘ra, AQSh 14 avgustdan beri bir hafta ichida Afg‘onistondan 17 mingdan ko‘proq odamni olib chiqqan.
Ispaniya hukumati saytida ma'lum qilinishicha, 19 avgustda mamlakatga Afg‘onistonda ispan hukumati bilan hamkorlik qilgan qochqinlarning birinchi guruhi yetib kelgan. Ular orasida 5 nafar ispaniyalik ham bo‘lgan. Qochqinlar Ispaniyaga Dubaydan harbiy samolyotda keltirilgan.
The Wall Street Journal nashrining xabar berishicha, Bayden ma'muriyati Afg‘onistondan odamlarni evakuatsiya qilish uchun tijoriy samolyotlarni qo‘llamoqchi. Bu maqsadda dastlabki bosqichda 5tagacha aviakompaniyaning 20ta samolyotini jalb qilish rejalashtirilgan.
Manbalarning xabar berishicha, fuqaro aviatsiyasi AQShning Yaqin Sharq va Germaniyadagi bazalaridan odamlarni olib chiqish uchun qo‘llanadi. Yo‘lovchi samolyotlarni Afg‘onistonga jo‘natish rejalashtirilmagan.
AQShning Afg‘onistondan ketishi
