Diniy ta'lim muassasalari muallimlari maoshi va talabalari stipendiyasi ikki barobar oshiriladi

Diniy ta'lim muassasalari muallimlari va talabalarining moddiy ta'minoti oshiriladi. Bu haqda O‘zbekiston musulmonlari idorasi matbuot xizmati xabar bermoqda.

Qayd etilishicha, O‘zbekiston musulmonlari idorasi Ulamolar kengashi oliy hay'atining maxsus qarori bilan oliy va o‘rta maxsus islom bilim yurtlari muallimlari oylik maoshlari va stipendiyalari 20 sentyabrdan boshlab qariyb ikki barobar oshiriladigan bo‘ldi.

Hay'at, shuningdek pandemiya sharoitida murakkab moliyaviy vaziyatga tushib qolgan masjidlar xodimlariga ham moliyaviy ko‘mak ko‘rsatish to‘g‘risida tegishli qaror chiqargan.