Asia Alliance Bank jamoasi 19 oktabr kuni yangi ilovasi – Alliance konsepsiyasining taqdimotini o‘tkazdi. Endi mijozlar ixtiyorida 30 dan ortiq xizmatlardan onlayn foydalanish imkoni mavjud, jumladan:
- Shaxsni masofaviy tarzda aniqlash (masofaviy identifikatsiya);
- Mablag‘lar o‘tkazmalari;
- Xizmat uchun to‘lovlar va kommunal to‘lovlar;
- Valutani ayirboshlash;
- Hisob raqamlarni ochish va hokazo.
Taqdimot avvalida bank boshqaruv raisi Umidjon Hakimov so‘zga chiqib, bu bankning mutlaqo yangi qadami ekanini ta'kidladi.
“Bugun yangi mobil ilovamiz Alliance'ning konsepsiyasining taqdimoti bo‘lib o‘tdi. Ilova imkon qadar qulay va sodda bo‘lishi uchun unda biz mijozlarning barcha xohish-istaklarini mujassamlashtirishga harakat qildik. Mobil ilova mijozlar fikrlari bilan yanada takomillashtiriladi. Alliance ilovasi nafaqat bizning mijozlarimiz uchun, balki butun respublika aholisi uchun bank xizmatlaridan foydalanishda qulayliklar yaratishiga ishonamiz”, - dedi.
Alliance bir qancha bank xizmatlaridan tez va oson, ortiqcha ovoragarchiliklarsiz foydalanishga imkon beradi:
- Bank ofisiga kelmasdan O‘zbekistonning istalgan nuqtasidan turib bank mijoziga aylaning. Buning uchun pasport seriyasi, raqami hamda telefoningiz old kamerasiga qarab bir necha amallarni bajarishingiz kifoya.
- «Xizmatlar» sahifasida siz karta buyurtirishingiz, hisobraqam yoki hamyonni ochishingiz mumkin. Arizalaringiz holatini «Arizalar» funksiyasi orqali ko‘rishingiz mumkin bo‘ladi.
- Barcha mahsulotlaringiz «Mening mahsulotlarim» sahifasida to‘plangan. Bu yerda barcha kartalaringiz, hisobraqamlaringiz va boshqa ma'lumotlar aks ettiriladi.
- To‘lovlar sahifasida bir tegishdayoq an'anaviy pul o‘tkazmalardan tortib, to‘lov namunalari va avtoto‘lovlargacha bo‘lgan keng doiradagi kundalik to‘lov xizmatlaridan foydalanishingiz mumkin.
- 600 tadan ortiq xizmat ko‘rsatuvchilarning xizmatlari uchun to‘lovlarni amalga oshirishingiz mumkin.
- Qarz olishni yoqtirmay, pul yig‘ishni afzal ko‘rasizmi? Ko‘nglingizga yaqin an'anaviy aqchadonni ilovaning o‘zida yaratishingiz mumkin. Turli maqsadlar uchun, jumladan, o‘qish yoki sayohat uchun, bir nechta aqchadonni yarating va ularni istaganingizcha tez to‘ldiring.
