Gamaleya nomidagi markaz rahbari Aleksandr Ginsburg Rossiya «Sputnik V» asosida tayyorlangan koronavirusga qarshi burunga tomiziladigan ikki vaksina paydo bo‘lishini ma'lum qildi.
Uning so‘zlariga ko‘ra, ishlanmalardan biri Gamaleya markaziga, ikkinchisi «Generium» kompaniyasiga tegishli.
«Biz sprey shaklidagi, ular esa tomchi shaklidagi vaksinani ishlab chiqaradi», — dedi Ginsburg.
Avvalroq «Generium» bosh direktori Daniil Talyanskiy mamlakat sog‘liqni saqlash vazirligiga mazkur vaksinani klinik sinovdan o‘tkazish uchun ariza berilganini aytgandi.
Talyanskiyning aytishicha, mahsulot 6-8 oydan so‘ng ro‘yxatdan o‘tkazilishiga umid qilinmoqda.
