Xitoyda “shubhali odamlar” ortidan kuzatuvchi tizim ishga tushiriladi

Ta'kidlanishicha, tender hujjatlarida kuzatuv tizimini yaratish bo‘yicha rejalar batafsil bayon qilingan. Tizim yuzni tanuvchi 3 ming kamera yordamida Xenanga keluvchi barcha “qiziqish uyg‘otuvchi shaxslar” haqida alohida ma'lumotlarni to‘play oladi. Kameralar turli qurilmalar, milliy va hududiy ma'lumotlar bazasiga ulanadi.   

Mutaxassislar ma'lumotlariga ko‘ra, jumladan, ushbu videokuzatuv tizimi jamoat xavfsizligi idoralariga “nomaqbul” jurnalistlarni tezda topish va ularning ishiga to‘sqinlik qilish rejasini ham taklif qiladi.

Tizimni ishlab chiqish bo‘yicha 5 mln yuanlik (782 ming dollar) shartnoma 17 sentyabrda Xitoyning Neusoft texnologik kompaniyasi bilan tuzilgan. Shartnomaga ko‘ra, loyiha ustida ishlar hujjat imzolangandan keyin 2 oy ichida, ya'ni 17 noyabrda yakunlanishi kerak bo‘lgan. Biroq Reuters ushbu tizim ayni vaqtda ishga tushirilgani yoki yo‘qligini aniqlay olmagan.