AQSh janubida yuz bergan tornado oqibatida kamida to‘rt kishi halok bo‘ldi

AQShning bir nechta shtatlarida tornado sodir bo‘ldi, deb xabar berdi kfvs12 kanali.

Xabarga ko‘ra, tabiiy ofat oqibatida Tennessi shtatida uch kishi, Arkanzasdagi qariyalar uyida bir kishi halok bo‘lgan. 

Bundan tashqari, Amazon kompaniyasining Illinoysdagi omborida tom qulashi oqibatida ishchilar guruhi ichkarida qamalib qolgani aytilmoqda.

Kentukkida tornado qurbonlari soni kamida 50 nafarni tashkil etishi mumkinligi xabar qilingan.

«Kentukkida 50dan ortiq inson halok bo‘ldi deb qo‘rqaman. Qurbonlar soni 70-100 kishini tashkil etishi mumkin, bu dahshat»,— degan shtat gubernatori Endryu Grem Beshir.