O‘zbekiston va Hindiston investitsiyalarni rag‘batlantirish va o‘zaro himoya qilish to‘g‘risida bitim imzolaydi
Joriy yilning 13 dekabr kuni O‘zbekiston bosh vaziri o‘rinbosari - investitsiyalar va tashqi savdo vaziri Sardor Umrzoqov Hindiston savdo va sanoat vaziri Piyush Goyal bilan videokonferensiya shaklida muzokaralar o‘tkazdi.
Suhbat chog‘ida hamkorlik masalalarini muhokama qilish hamda amaliy taklif va tashabbuslarni ishlab chiqish, shuningdek, O‘zbekiston va Hindiston o‘rtasida iqtisodiy hamkorlik dasturini ishlab chiqish maqsadida Hindistonning tegishli vazirliklari, davlat idoralari va xususiy kompaniyalari bilan uchrashuvlar o‘tkazish uchun Investitsiyalar va tashqi savdo vazirligi rahbariyati boshchiligidagi ishchi guruhning Dehliga tashrif buyurishi masalalari ko‘rib chiqildi.
2022 yil boshida O‘zbekiston bilan Hindiston o‘rtasida savdo-iqtisodiy va ilmiy-texnikaviy hamkorlik bo‘yicha hukumatlararo komissiyaning 13-yig‘ilishini o‘tkazish, shuningdek, O‘zbekiston hududlari rahbarlarining 2022 yil yanvar oyida Gujarat shtatida bo‘lib o‘tadigan 10-Global sammitda ishtirok etishini tashkil qilish masalalari muhokama qilindi.
O‘zbekiston va Hindiston iqtisodiy sherikligiga doir vazifalarni tizimlashtirish hamda ularni tezkorlik bilan hal etish bo‘yicha samarali takliflar ishlab chiqish maqsadida savdo-iqtisodiy masalalar bo‘yicha O‘zbekiston-Hindiston qo‘shma ishchi guruhini tuzish va uning birinchi yig‘ilishini o‘tkazishning amaliy jihatlari muhokama qilindi. Tomonlar O‘zbekiston va Hindiston o‘rtasida imtiyozli savdo to‘g‘risida bitim tayyorlash va imzolash jarayonini tezlashtirish bo‘yicha yakdil fikr bildirdi.
Ikki mamlakat o‘rtasida investitsiyaviy hamkorlikning rivojlanishi muhokama qilindi. Tomonlar kelgusi yilning birinchi choragida imzolash maqsadida O‘zbekiston va Hindiston hukumatlari o‘rtasida investitsiyalarni rag‘batlantirish va o‘zaro himoya qilish to‘g‘risidagi bitim loyihasi muhokamasini faollashtirib yakuniga yetkazishga kelishdi.
Muzokaralar yakunida erishilgan kelishuvlarni amalga oshirish bo‘yicha navbatdagi tadbirlar belgilab olindi.
Mavzuga oid
20:45 / 08.10.2024
Hindistonda 100 minglab tomoshabin yig‘ilgan aviashouda besh kishi halok bo‘ldi
12:54 / 05.10.2024
Hindistonlik erkak noodatiy avtomobillar kolleksiyasi bilan Ginnesning rekordlar kitobiga kirdi
23:02 / 03.10.2024
Hindiston Oliy sudi qashshoq oiladan chiqqan talabaning kollejga kirish orzusini ro‘yobga chiqardi
20:39 / 03.10.2024