Tsukerberg dunyoning eng badavlat kishilari ro‘yxatida yuqori o‘ntalikdan chiqib ketdi

Meta Platforms hammuassisi Mark Tsukerberg Forbes jurnali talqini bo‘yicha dunyoning eng badavlat kishilari ro‘yxatidagi yuqori o‘ntalikdan chiqib ketdi.

Boyligi miqdori bir kun ichida 25,93 foiz yoki 29,7 mlrd dollarga kamaygan milliarder o‘n ikkinchi o‘ringa tushib qoldi. 4 fevral holatiga ko‘ra, uning boyligi 84,8 mlrd dollarni tashkil etmoqda.

Tsukerberg 2015 yildan buyon ilk bor top-10 milliarder ro‘yxatidagi o‘rnini yo‘qotdi.

Bloomberg Billionaires Index ma’lumotiga ko‘ra, Meta Platforms rahbari hozirda dunyoning eng badavlat insonlari ro‘yxatida o‘ninchi o‘rinda turibdi, uning boyligi 89,6 mlrd dollar deb baholanmoqda.

Mark Tsukerberg  Meta Platforms kompaniyasining qariyb 13 foiz aksiyasiga ega.