Qayd etilishicha, 2022 yil 9 mart kuni Ukrainadan Polshaning Katovitse aeroporti orqali 245 nafar O‘zbekiston fuqarosi, shu jumladan 35 nafar ayol, 20 nafar voyaga yetmagan shaxs va 3 nafar chaqaloq olib kelindi.
28 fevraldan 10 martga qadar 22 ta aviareys tashkillashtirildi hamda harbiy harakatlar kechayotgan hududlardan 5 282 nafar o‘zbekistonlik qaytarildi.
“Moldova hududida bo‘lgan 94 nafar fuqaro O‘zbekiston diplomatlari hamrohligida Moldova-Ruminiya chegarasini kesib o‘tdi”, deyiladi xabarda.
Ma’lum qilinishicha, ularni maxsus reys bilan Buxarest aeroportidan evakuatsiya qilish rejalashtirilgan.
