NATO Norvegiyada yirik harbiy mashg‘ulotlar o‘tkazishni boshladi

NATO 14 mart kuni Norvegiyada joriy yildagi eng yirik harbiy mashg‘ulotlarini boshladi, deb xabar berdi DW.

1 aprelgacha davom etadigan Cold Response harbiy mashg‘ulotlarida 27 mamlakatdan 30 mingga yaqin askar, 200 samolyot va 50 kema qatnashadi.

Mashg‘ulotlar suvda, havoda va quruqlikda o‘tkaziladi.

Xabarga ko‘ra, mashg‘ulotlar Rossiya chegarasidan bir necha yuz kilometr uzoqlikda bo‘lib o‘tadi. 

Cold Response mashg‘ulotlarida Norvegiyaga qo‘shni Shvetsiya va Finlandiya ham ishtirok etadi.