18:05 / 25.03.2022
932
Самарқандда Nexia-3 билан тўқнашган Nexia-2 машинаси ёниб кетди

Ҳодисада ҳеч ким тан жароҳати олмаган ва вафот этмаган. Фақат Nexia-2 машинаси ёниб кетиб, яроқсиз ҳолга келган.

Фото: ИИБ ахборот хизмати

Самарқанд вилояти ИИБ ахборот хизматининг хабар беришича, бугун, 2022 йил 25 март куни соат 14:42 да Самарқанд-Каттақўрғон автомобил йўлининг Паст Дарғом тумани “Пахтакор” МФЙ ҳудудидан ўтган қисмида иккита машина иштирокида йўл-транспорт ҳодисаси содир бўлиб, улардан бири ёниб кетган.

Фуқаро А.Х.бошқарувида бўлган Nexia-2 машинаси шу йўналишда ҳаракатланиб кетаётган фуқаро Й.Ф. бошқарувида бўлган Nexia-3 машинаси билан ўзаро тўқнашган.

Оқибатда Nexia-2 машинасида ёнғин содир бўлган. Шундан сўнг ҳодиса ҳақида Паст Дарғом туман ФВБга хабар берилган. Воқеа жойига туман ФВБ бўлинмаси соат 14:57 да етиб бориб, ёнғин соат 15:20 да ўчирилган.

Қайд этилишича, ҳодисада ҳеч ким тан жароҳати олмаган ва вафот этмаган. Фақат Nexia-2 машинаси ёниб кетиб, яроқсиз ҳолга келган. Ҳозирда терговга қадар текшириш ишлари олиб борилмоқда.

Аввалроқ Самарқанд вилоятида Damas ва Жигули машинаси ёниб кетганди.

Top