Ўзбекистон асосан қайси давлатлардан енгил автомобил импорт қилгани маълум бўлди. Давлат статистика қўмитаси тегишли хабар билан чиқди.

Фото: Kun.uz

Қўмита маълумотларига кўра, 2022 йилнинг январь-март ойларида Ўзбекистон 21 та хорижий давлатлардан енгил автомобиллар импорт қилган. 

3 ойда Ўзбекистон енгил автомобилларни энг кўп импорт қилган давлатлар орасида Хитой етакчилик қиляпти – 4482 та машина. Кейинги ўринлардан мос равишда 2101 та ва 1019 та «иномарка» олиб келинган Корея ҳамда Қозоғистон жой олди.

Ушбу кўрсаткич қолган давлатлар кесимида қуйидагича кўринишга эга:

• Россия – 741 та;
• АҚШ – 70 та;
• Япония – 27 та;
• Германия – 23 та;
• Таиланд – 10 та;  
• БАА – 9 та; 
• Ҳонгконг – 7 та.

Бундан олдин Ўзбекистонга енгил автомобиллар импорти 2,7 баробарга ошгани хабар берилганди.