AQShda doimiy yashash huquqini beruvchi DV dasturi natijalari bugun, 7 may kuni Toshkent vaqti bilan soat 21:00da e’lon qilinadi. Natijalarni dastur rasmiy saytida (dvprogram.state.gov), “Check Status” bo‘limiga kirish, so‘ng “Continue” tugmasini orqali tekshirish mumkin.

Foto: Photographer is my life / Getty Images

Odatda har yili natijalar e’lon qilinganidan keyingi soatlarda dastur rasmiy saytiga butun dunyo bo‘ylab juda ko‘p insonlar bir vaqtda kirishga urinadi, natijada sayt ishida texnik muammolar kuzatilishi mumkin.

Arizachilar o‘z arizalarining javobini 2022 yil 30 sentabrga qadar yuqoridagi manzil orqali ko‘rishlari mumkin. Bunda quyidagilarni kiritish zarur:

  1. Arizaning tasdiq kodi (onlayn anketa to‘ldirilganidan keyin berilgan 16ta belgi (harf va raqamlar)dan iborat kod);
  2. Arizachining familiyasi (faqat familiya, anketada yozilgani bilan bir xil shaklda bo‘lishi lozim);
  3. Arizachining tug‘ilgan yili (faqat yil ko‘rsatiladi);
  4. Saytda ko‘rsatilgan suratdagi harf va raqamlar (saytdan kompyuter-robot foydalanmayotganini tasdiqlash uchun).
Ariza natijasini tekshirish uchun dvprogram.state.gov saytiga kirib, bosh sahifadagi "Check Status" bo‘limini ochish, shundan so‘ng "Continue" tugmasini bosish zarur.
To‘rtta punktga ma’lumotlar kiritilgach, "Submit" tugmasi bosiladi

Yuqoridagilar kiritilganidan keyin ochiladigan sahifada, agar arizachi g‘olib deb topilgan bo‘lsa: “You have been randomly selected…”