Oilaviy ajrimlar soni 23 foizga oshdi

2022 yilning 1 iyun holatiga FHDY organlari tomonidan respublika bo‘yicha 20 798 ta ajrim qayd etilgan. Adliya vazirligi xabariga ko‘ra, bu ko‘rsatkich o‘tgan yilning mos davri bilan solishtirilganda 4 700 taga ko‘paygan.

Xususan, sudlarning tegishli qarorlariga asosan - 14 986 ta, o‘zaro rozilik asosida - 5 812 ta ajrim holati qayd etildi.

Hududlar kesimida ajrimlar bo‘yicha Andijon, Farg‘ona, Namangan viloyatlari va Toshkent shaharda eng yuqori ko‘rsatkichlar qayd etildi.

Bunda:

• Samarqand viloyati – 368 ta;
• Farg‘ona viloyati – 793 ta;
• Qashqadaryo viloyati – 368 ta;
• Andijon viloyati – 800 ta;
• Surxondaryo viloyati – 353 ta;
• Namangan viloyati – 706 ta;
• Toshkent viloyati – 693 ta;
• Toshkent shahri – 732 ta;
• Buxoro viloyati – 184 ta;
• Jizzax viloyati – 248 ta;
• Qoraqalpog‘iston R. – 76 ta;
• Xorazm viloyati – 176 ta;
• Navoiy viloyati – 109 ta;
• Sirdaryo viloyati – 206 ta ajrim kuzatildi.