O‘zbekistonda “Bioiqtisodiyot” bo‘yicha ilk bor tashkil etilgan magistraturaga o‘qishga taklif qilamiz

YeI Erasmus+ dasturi asosida Finlandiyaning Yuviskale tabiiy fanlar universiteti, Latviya hayotiy bilimlar va texnologiyalar universiteti va Litvaning Vitautas Magnus universitetlari bilan hamkorlikda 2022-2023 o‘quv yilidan boshlab yo‘lga qo‘yilgan magistraturaga qabul boshlandi. 

Magistratura o‘quv rejasi YeI va O‘zbekiston hamkor OTMlari hamkorligida ishlab chiqildi. Talabgorlar magistratura dasturiga “Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqot universiteti, Toshkent davlat agrar universiteti, Buxoro davlat universiteti hamda Toshkent davlat agrar universiteti Samarqand filiallarida o‘qishga xujjatlarni topshirishlari mumkin. 

Ushbu magistratura dasturi boshqa dasturlardan farqi shundaki, darslar Yevropalik va O‘zbekistonlik hamkor universitetlar vakillari tomonidan o‘tiladi. Magistrlar uchun maxsus jihozlangan xonalarda darslar tashkil etiladi hamda 4 OTM vakillari akademik mobillik asosida 1 semestr ToshDAU, 2 semerstr TIQXXMI MTU va 3 semestr ToshDAU Samarqand filialida va yakuniy semestrni o‘qishga kirgan OTM da o‘tkazishadi. 

Shuningdek, o‘qish mobaynida1 oylik yozgi o‘quv mashg‘ulotlari  Latviya va Litva davlatlarida tashkil etiladi. 

O‘qish yakunida doktoranturada yuqorida zikr etilgan universitetlarda davom ettirish imkoniyati ham mavjud.

magistr.edu.uz onlayn platformasi orqali hujjatlaringizni topshirishingiz mumkin!

O‘qish uchun topshiriladigan hujjatlar:

1. Bakalavriat diplomi va ilovasi
2. Ingliz tili bilish darajasi (B2, IELTS 5.5 yoki undan yuqori)
3. Pasport kopiyasi
4. 6 dona 3.5*4.5 sm o‘lchamdagi rasm

Keling, o‘rganing va kelajagingizni biz bilan yarating!

Qo‘shimcha ma’lumotlarni loyiha vebsaytida olishingiz mumkin!

bioecuz.tdau.uz

Reklama huquqi asosida