10:57 / 20.07.2022
3524
Тошкент шаҳрининг айрим ҳудудларда сув таъминоти тўхтаб қолди 

Сувсиз қолган ҳудудларга махсус техникаларда сув етказилмоқда. 

Тошкент шаҳрида жойлашган “Бўзсув” иншоотидаги насос станциясида носозлик юзага келди. Бу ҳақда "Тошкент шаҳар сув таъминоти" МЧЖ хабар берди.

Қайд этилишича, ушбу носозлик сабабли пойтахтнинг Юнусобод туманидаги айрим ҳудудларда сув таъминоти тўхтаб қолди.

Билдирилишича, айни пайтда станцияда таъмирлаш ишлари жадал суръатларда давом этмоқда. 

Сувсиз қолган ҳудудларга махсус техникаларда сув етказилмоқда. Яқин соатларда сув таъминоти қайта тикланади.

Top