Ukrainada urush boshlanganidan beri deyarli bir million rossiyalik YeI hududiga kelgan

Rossiyaning Ukrainaga qarshi keng ko‘lamli urushi boshlanganidan beri deyarli bir million rossiyalik Yevropa ittifoqiga keldi. Bunday ma’lumotlar 25 avgust, payshanba kuni dpa agentligi tomonidan Yevropa chegara va sohilni qo‘riqlash agentligi Frontex’ga tayanib keltirildi. 

24 fevraldan 22 avgustgacha 998 085 nafar Rossiya fuqarosi Yevropa ittifoqi chegaralarini kesib o‘tdi, dedi Frontex vakili dpa’ga. Shu bilan birga, 16 avgustdan 22 avgustgacha bo‘lgan davrda Yevropa ittifoqiga kiruvchi rossiyaliklar soni avvalgi haftaga nisbatan biroz kamaydi. 

Ukrainada davom etayotgan urush fonida tobora ko‘proq Yevropa davlatlari Rossiya fuqarolari uchun Shengen vizalarini berishni bir tomonlama cheklamoqda. Bunday choralar allaqachon Estoniya, Latviya, Litva va Chexiya tomonidan amalga oshirilgan. Finlandiya sentabr oyida buni joriy etishni rejalashtirmoqda, Polsha ham bunday imkoniyatni ko‘rib chiqmoqda. Daniya rossiyaliklar uchun vizalar bo‘yicha umumevropa qarorini talab qilmoqda, aks holda u ham mustaqil qaror qabul qilishi haqida ogohlantirmoqda. 

Shu bilan birga, Yevropa ittifoqining ba’zi davlatlari Rossiya fuqarolariga turistik vizalar berishni taqiqlash g‘oyasini qo‘llab-quvvatlamadi. Germaniya kansleri Olaf Shols urushga qarshi bo‘lgan ruslar o‘z vatanlarini tark etishi kerakligini aytdi. Bundan tashqari, xuddi shunday pozitsiyani Yevropa diplomatiyasi rahbari Jozep Borrel ham bildirgan.