Qoʻshimcha funksionallar
-
Tungi ko‘rinish
Janubiy Koreya va AQSh harbiy-havo kuchlarining keng ko‘lamli mashg‘ulotlarini boshladi
Janubiy Koreya va AQSh Shimoliy Koreyaning raketa uchirishiga javoban qo‘shma mashg‘ulotlarni boshladi. Manyovrlarda minglab harbiy xizmatchilar va yuzlab samolyotlar, jumladan, stels texnologiyasiga ega yashirin qiruvchi samolyotlar ishtirok etadi.
AQSh va Janubiy Koreya Koreya yarimorolida 240 ta jangovar samolyotlar, jumladan, stels texnologiyasiga ega F-35 qiruvchi-bombardimonchi samolyotlari ishtirokida keng ko‘lamli qo‘shma havo kuchlari mashg‘ulotlarini boshladi. Bu haqda 31 oktyabr, dushanba kuni Janubiy Koreyaning «Yonhap» agentligi xabar qildi.
Xabarlarga ko‘ra, «Sergak po‘rtana» manyovrlari doirasida 1600 ga yaqin jangovar parvozlar rejalashtirilgan. Ittifoqchilarning aytishicha, bu yil rekord darajadagi raketa uchirishlarini amalga oshirgan Shimoliy Koreyadan kelayotgan ehtimoliy tahdidga qarshi turish uchun bunday tayyorgarlik zarur. Bundan tashqari, Seul Pxenyan tez orada yadroviy sinovlar o‘tkazishi mumkinligidan xavotirda.
Avvalroq AQSh Tinch okeani havo kuchlari qo‘mondonligida ma’lum qilinganidek, mashg‘ulotlarda minglab koreyalik va amerikalik harbiylar ham ishtirok etadi. Bundan tashqari, Avstraliya qirollik harbiy-havo kuchlarining 33-sonli eskadrilyasi Janubiy Koreyaga KC-30A yonilg‘i quyish samolyotini yuboradi. Manyovrlar 4 noyabr, juma kunigacha davom etadi.
Janubiy Koreya Shimoliy Koreya ittifoqchilarning mashg‘ulotlariga javoban ballistik raketalarni uchirish orqali o‘z kuchini ko‘rsatishga urinishi mumkinligini istisno etmayapti.
