Qoʻshimcha funksionallar
-
Tungi ko‘rinish
Moskvadagi kuchli yong‘in oqibatida olti kishi halok bo‘ldi
2000 kvadrat metrdan ortiq maydonni qamrab olgan yong‘in Moskva markazida sodir bo‘lgan. Olti kishi halok bo‘ldi, yetti kishi evakuatsiya qilindi.
Moskva markazida, Komsomolskaya maydoni yaqinida kuchli yong‘in sodir bo‘ldi. Uning maydoni taxminan 2500 kvadrat metrdan oshdi, deb xabar berdi 20 noyabr, yakshanba kuni Rossiya Favqulodda vaziyatlar vazirligi matbuot xizmati.
Rossiya Favqulodda vaziyatlar vazirligining Moskva bo‘yicha bosh boshqarmasi Moskva vaqti bilan soat 01.00 da olti kishi halok bo‘lganini, yetti kishi evakuatsiya qilinganini ma’lum qildi. O‘t o‘chiruvchilarning favqulodda vaziyat joyiga kirishlari uchun ko‘tarish mexanizmini o‘rnatish kerak bo‘lgan.
Yong‘in natijasida binoning tomi qulab tushgan. Yong‘inni o‘chirishga 80 nafar xodim va 20 dona texnika jalb qilingan.
Ochiq manba ma’lumotlariga ko‘ra, binoda mebel, yoritish do‘koni va gul do‘koni joylashgan. Rossiya FVVning Moskva bo‘yicha bosh boshqarmasi matbuot xizmati gullar ombori yonib ketganini ma’lum qildi.
Favqulodda vaziyatlar xizmati ma’lumotlariga ko‘ra, hodisaga elektr isitish moslamasining nosozligi va elektr tarmog‘ining favqulodda ishlashi sabab bo‘lgan.
