O‘zbekiston qishloq xo‘jaligi sohasida davlatlararo ixtisoslashuv to‘g‘risidagi bitimga qo‘shiladi

Prezidentning “Xalqaro shartnomaga qo‘shilish to‘g‘risida”gi qarori loyihasi e’lon qilindi.

O‘zbekiston 2013 yil 31 may kuni Minsk shahrida Mustaqil davlatlar hamdo‘stligi Hukumat rahbarlari kengashi yig‘ilishida imzolangan Qishloq xo‘jaligi ekinlari navlari va duragaylari urug‘liklarini, meva-rezavor va uzum ko‘chatlarini yetishtirish hamda yetkazib berish bo‘yicha davlatlararo ixtisoslashuv to‘g‘risida bitimga qo‘shiladi.

O‘zbekiston Qishloq xo‘jaligi vazirligi mazkur xalqaro shartnoma amalga oshirilishi uchun mas’ul bo‘lgan vakolatli organ etib belgilanadi.

O‘zbekiston Tashqi ishlar vazirligi O‘zbekiston mazkur xalqaro shartnomaga qo‘shilgani hamda uni amalga oshirishga mas’ul bo‘lgan vakolatli organ to‘g‘risida depozitariyga tegishli bildirishnoma yuboradi.

O‘zbekiston Vazirlar Mahkamasi hamda tegishli vazirlik va idoralar rahbarlari ushbu xalqaro shartnoma kuchga kirgandan keyin uning qoidalari bajarilishi ustidan belgilangan tartibda nazoratni ta’minlaydi.

Qaror ijrosini nazorat qilish O‘zbekiston bosh vaziri A.Aripov zimmasiga yuklanadi.