Qanday qilib Beeline Uzbekistan’ning digital-xizmatlari eng chekka manzillarga yetib bormoqda?

Tog‘li hududlarda uskunalar o‘rnatish qiyinmi? Albatta, ha! Yo‘lsizlik sharoitida va elektr ta’minoti yetishmasligida har safar nostandart texnik yechimlarni topish kerak bo‘ladi. Har bir o‘rnatilgan baza stansiyasi ortida zamonaviy digital-xizmatlarni taqdim etishga intilayotgan aloqa operatorlarining ulkan mehnati turibdi. 2022 yilda Beeline aloqasi birinchi marta Qashqadaryo, Samarqand, Navoiy, Surxondaryo, Jizzax va Xorazm viloyatlaridagi chekka aholi punktlariga yetib bordi.

Umuman olganda, yirik qurilish ishlari barcha hududlarni qamrab olgan. Yangi baza stansiyalari soni bo‘yicha Buxoro, Toshkent, Samarqand va Farg‘ona viloyatlari yetakchi bo‘ldi. TOP-5 mintaqalari yetakchisi esa Qashqadaryo viloyati bo‘lib, u yerda Beeline Uzbekistan deyarli 330 ta BSni ishga tushirgan. Yil davomida jami 2 250 dan ortiq baza stansiyalari foydalanishga topshirildi va ularning mamlakatdagi umumiy soni 15 mingtaga yaqinlashdi.

“Tarmoq rivojlanishining muhim natijasi bu mamlakat aholisiga raqamli xizmatlarni keng taqdim etishdir. Agar 2022 yilning boshida O‘zbekiston aholisining 62 foizi ulardan foydalana olgan bo‘lsa, hozir bu ko‘rsatkich 78 foizga oshgan. Bu oldinga qo‘yilgan juda muhim qadam, chunki qo‘ng‘iroq qilish, messenjerlarda muloqot qilish, musiqa tinglash, video ko‘rish va yuklash, kompaniyaning onlayn TV xizmatlariga qo‘shilish, qulay fintech xizmatlaridan foydalanish va oddiygina dunyo bo‘yicha ma’lumotlarni olish yanada osonlashdi. Endi Internet respublikaning hatto eng chekka go‘shalaridagi aholisi uchun ham mavjud bo‘ldi. Beeline Uzbekistan mamlakatni raqamlashtirishni rivojlantirishda to‘liq ishtirok etadi va yangi servis va xizmatlarni joriy qilishda mijozlar ehtiyojlari va jahon tendensiyalaridan kelib chiqib ish tutishda davom etadi”, - dedi Beeline Uzbekistan’ning texnik direktori Mahmudjon Nodirov.

2022 yilda 1 500 dan ortiq yangi baza stansiyalari 4G texnologiyasini qo‘llab-quvvatlaydi. Internetning tezlashishi bilan digital-operatorning abonentlari ancha faolroq yuklab olishni boshladilar: 4G/LTE trafigi o‘tgan yilgi hajmdan deyarli ikki baravarga oshdi. 2022 yilning boshidan buyon Beeline mijozlari birgina mobil internet orqali video tomosha qilish uchun 105 Petabayt – boshqacha aytganda, 105 million gigabayt trafik sarfladilar!

“Raqamli yutuq” operatorga Best video mobile experience uchun Ookla® Speedtest AwardsTM mukofotini keltirdi. Mustaqil tadqiqot doirasida foydalanuvchilarning mobil qurilmalarida video ko‘rish vaqtida trafikni uzatish sifati va tezligi baholandi. Tarmoqning rivojlanishi tufayli Beeline 2022 yilning I va II choragida mamlakatning yetakchisiga aylandi.

***

Unitel MChJ 2006 yilning 12 sentabridan boshlab Beeline Uzbekistan savdo belgisi ostida xizmatlar ko‘rsatib kelmoqda. Beeline Uzbekistan bosh qarorgohi Amsterdam (Niderlandiya) shahrida joylashgan VEON xalqaro telekommunikatsiya holdingi tarkibiga kiradi.

VEON 7 mamlakatda 200 milliondan ortiq abonentga ega global telekommunikatsiya va internet xizmatlari provayderi. Uning aksiyalari NASDAQ va Euronext Amsterdam fond bozorlarida joylashgan.

Beeline Uzbekistan'da 1,6 mingga yaqin xodim ishlaydi. 2006 yildan buyon O‘zbekiston bozoriga kirishi bilan VEON mamlakat telekommunikatsiya sohasiga 1,4 milliard AQSh dollaridan ortiq sarmoya kiritdi. Beeline SB'ning O‘zbekistondagi faoliyati davomida 1,9 milliard dollardan ortiq soliq to‘langan.

Sayt: beeline.uz

Facebook: fb.com/beeline.uz

Instagram: @beeline_uzbekistan

Telegram: t.me/beelineuzbekistan

Twitter: twitter.com/beeline_uz

LinkedIn: linkedin.com/company/beeline-uzbekistan/

Reklama