“O‘zbekiston havo yo‘llari”ni isloh qilish vaqti keldi - Shavkat Mirziyoyev
Prezident Shavkat Mirziyoyev Uchtepa tumanidagi yig‘ilishda Uzbekistan Airways aviakompaniyasi haqida ham to‘xtalib o‘tdi. Bu haqda Kun.uz muxbiri xabar bermoqda.
“Ko‘p sohalarda yillar davomida yetarlicha samarali ishlay olmadik. Masalan, paxtachilikni olaylik. Shuncha politbyuro, obkom, raykomlar bilan ham kosamiz oqarmadi. Hozir-chi? Paxtani manfaat yetishtiryapti. Bozor o‘zi tartibga solyapti. Endi boshqa sohalarni, jumladan “O‘zbekiston havo yo‘llari” kompaniyasini ham isloh qilish vaqti keldi.
Kompaniya erkin, ochiq va raqobatbardosh bo‘lishi kerak. Hozir uning aviaparkida 30 ga yaqin samolyot bor. Misol uchun, samolyotlar sonini oshirish, xizmatlar sifatini yaxshilash, narxlarni arzonlashtirish va nafaqat mahalliy reyslar, balki xalqaro yo‘nalishlarda ham raqobatbardosh bo‘lishi lozim. Albatta, samolyotni sotib olish mumkin, lekin undan to‘g‘ri foydalanish shart.
“Havo yo‘llari” erkin va ochiq ishlashga o‘tadi. Xalqimiz kutgandek arzon va xavfsiz aviakompaniya tashkil etiladi”, – dedi Shavkat Mirziyoyev.
Eslatib o‘tamiz, avgust oyida Uzbekistan Airways'ni xususiylashtirish bo‘yicha ilk qadam tashlangan edi. Davlat aktivlarini boshqarish agentligi kompaniyani xususiylashtirish strategiyasini ishlab chiqish uchun professional konsalting kompaniyasi tanlab olinishi yuzasidan tanlov e’lon qilgandi.
Mavzuga oid
19:17 / 25.09.2024
Uzbekistan Airways aviakompaniyasi Airbus samolyotlari parkini kengaytiradi
21:49 / 16.08.2024
Uzbekistan Airways aviakompaniyasining Malayziyaga parvoz qilgan samolyotida o‘g‘rilar ushlandi
21:01 / 05.08.2024
Rossiyaliklar Uzbekistan Airways reyslarida o‘g‘rilar paydo bo‘lgani haqida shikoyat qildi
18:25 / 05.08.2024