Havo harorati qanday o‘lchanadi? Gidrometeorologiya markazidan reportaj

Ob-havoni oldindan bilish insonlar uchun har doim qiziq bo‘lgan. Negaki, ishga yoki o‘qishga otlanayotganda kun davomida havo harorati qanday bo‘lishiga qarab tayyorgarlik ko‘riladi. Kun.uz muxbiri Andijon viloyati Gidrometeorologiya markazida bo‘lib, ob-havoni aniqlash mexanizmi bilan tanishdi.  

Andijon viloyatida 4 ta meteostansiya bor. Ulardan har 3 soatda ob-havo ma’lumoti olinadi va markazga yuboriladi.

“1956 yildan beri faoliyat yuritib kelayotgan boshqarmamiz tarkibida 4 ta meteostansiya mavjud. Ob-havo ma’lumotini avallari mexanik qurilmalar yordamida olgan bo‘lsak, 2020 yildan boshlab avtomatik qurilmalarni ishlata boshladik. Har bir meteostansiyadan 3 soatda bir ma’lumot olinadi va umumlashtirilib, markazga uzatiladi. Shu tariqa ob-havo ma’lumoti shakllantiriladi”, – deydi Andijon viloyati Gidrometeorologiya boshqarmasi mutaxassisi Gulrux Yuldasheva.

Ob-havo ma’lumotining aniqlik darajasi 3 kunni tashkil qiladi. Avtomobillardagi havo haroratini o‘lchash qurilmasi va markaz taqdim etayotgan ma’lumotlar o‘rtasidagi farqning asosiy sababi markaz uskunalari 2 metr balandlikdagi havoni o‘lchaydi. 

Ko‘pchilik faqat ob-havoni aniqlash bilan shug‘ullanadi deya o‘ylaydigan Gidrometeorologiya markazida 200 dan ortiq xizmat turi mavjud ekan.

Abduvali Qurbonov, jurnalist
Tasvirchi – Jahongir Turg‘unov