Kuleba: Hozir urushni diplomatiya yo‘li bilan to‘xtatib bo‘lmaydi

Ukraina tashqi ishlar vaziri Dmitriy Kulebaning fikricha, hozirda Ukrainadagi urushni diplomatik yo‘llar bilan tugatishga erishib bo‘lmaydi.

Dmitriy Kuleba / Foto: Ouest-France

«Menga diplomatik tashabbuslar orqali tinchlikka erishmoqchi bo‘lganlar yoqadi, chunki men o‘zim diplomatman. Lekin bunday tashabbus qanday amalga oshishi mumkin? Tinchlik bahosi Rossiyaning bosib olingan hududlarda qolishi bo‘lishi kerakmi?» - dedi Kuleba Funke media-guruhi nashrlari va Fransiyaning Ouest-France gazetasiga bergan intervyusida.

«Rossiya bilan har qanday muzokaralar boshida quyidagilar bo‘lishi kerak: Ukrainaning hududiy yaxlitligi to‘liq tiklanishi. Buni muhokama qilib bo‘lmaydi», - dedi u.

Kulebaning so‘zlariga ko‘ra, tinchlik va diplomatiya tarafdorlarining ko‘pchiligi «aslida faqat Ukraina Rossiyadan mag‘lub bo‘lishini xohlaydi».