O‘zbekiston va Kuvayt 4 ta sohada qo‘shma loyihalar bo‘yicha kelishuvga erishdi

O‘zbekiston tashqi ishlar vaziri o‘rinbosari Bahrom A’loyev "Royal Mining Group" kompaniyasi (Kuvayt) raisi Iad Al-Solihni qabul qildi.

Uchrashuvda O‘zbekiston va mazkur kompaniya o‘rtasida hamkorlikni yo‘lga qo‘yish imkoniyatlari ko‘rib chiqildi. Mamlakat iqtisodiyotiga Kuvayt investitsiyalarini jalb etishga alohida e’tibor qaratildi.

Tog‘-kon sanoati, tibbiyot, farmatsevtika, qurilish materiallari sohalarida qo‘shma loyihalarni amalga oshirish masalasini ishlab chiqish bo‘yicha dastlabki kelishuvlarga erishildi.