«Dunyo» axborot agentligi xabariga koʻra, bu masalalar Oʻzbekistonning tegishli idoralari hamda mehmonxona vakili ishtirokidagi onlayn uchrashuvda muhokama qilingan.
Muloqotda Tashqi ishlar vazirligi, Oʻzbekistonning Kuvaytdagi elchixonasi, Migratsiya agentligi va Kasb-hunar taʼlimi agentligi mutaxassislari qatnashgan. Tomonlar kasb-hunar va oliy taʼlim muassasalari talabalari hamda bitiruvchilarini amaliyotga qabul qilish va keyinchalik mehmonxonaga ishga joylashtirish istiqbollarini koʻrib chiqqan.
Mehmonxona vakilining taʼkidlashicha, nomzodlarni tanlashda turizm va texnik mutaxassisliklar boʻyicha kasbiy tayyorgarlik hamda ingliz tilini bilish darajasiga alohida eʼtibor qaratiladi. Mehnat shartnomalarini bir yil muddatga tuzish rejalashtirilgan.
Hamkorlikni yoʻlga qoʻyish uchun tomonlar oʻzaro anglashuv memorandumini tayyorlashga kelishib olgan. Mehmonxona boʻsh ish oʻrinlari, nomzodlarga qoʻyiladigan talablar va mehnatga haq toʻlash shartlari haqida maʼlumot taqdim etadi. Shundan soʻng Migratsiya agentligi ish izlovchilarni dastlabki saralashdan oʻtkazadi.
Uchrashuv yakunida memorandum loyihasini tayyorlash va kelishish, boʻsh ish oʻrinlari roʻyxatini aniqlashtirish hamda keyinchalik nomzodlarni tanlashni boshlash vazifalari belgilab olingan.
Courtyard by Marriott - Marriott International xalqaro mehmonxonalar tarmogʻi brendlaridan biri.
