12 mingdan ortiq dori vositalari Virusologiya instituti tomonidan bemorlarga taqsimlanadi.
Foto: Dunyo
Joriy yilning 17 iyun kuni Uzbekistan Airways aviakompaniyasi Misr hukumati tomonidan mamlakatga insonparvarlik yordam sifatida ajratilgan «S» gepatitiga qarshi dori vositasining navbatdagi qismini Sharm-al-Shayxdan Toshkentga bepul yetkazib berdi, deb xabar qilmoqda «Dunyo».
Umumiy hajmi 12 mingdan ortiq dori vositalari Sog‘liqni saqlash vazirligi huzuridagi Virusologiya ilmiy-tekshirish instituti tomonidan bemorlarga taqsimlanadi.
Misr hukumati «100 million sog‘lom hayot» milliy dasturni ishlab chiqib, uni muvaffaqiyatli amalga oshirmoqda. Bunda asosiy e’tibor dunyoning mashhur farmatsevtika kompaniyalari bilan yaqindan hamkorlik aloqalarini o‘rnatish va kengaytirishga qaratilmoqda.
