Ukraina G‘arb tomonidan yetkazib berilayotgan qurollarni ishlab chiqarish niyatida

Ukraina hujumlarni qaytarish uchun o‘z hududida G‘arb davlatlaridan olingan qurol va harbiy texnika ishlab chiqarishni tashkil etish niyatida. Bu haqda prezident Volodimir Zelenskiy 28 iyun, chorshanba kuni Ukraina parlamentidagi chiqishi chog‘ida aytib o‘tdi. «Zarur qurollar tizimlari - havo hujumidan mudofaa, tanklar, hamkorlar tomonidan yetkazib berilayotgan zirhli mashinalar - biz Ukrainada ishlab chiqarish va mahalliylashtirishga intilamiz. Bizning askarlar doimo qurolga ega bo‘ladi!» – dedi davlat rahbari. U G‘arbning aniq yetkazib beruvchilari va shartlarini aytmadi, lekin 10 yildan keyin mamlakat «boshqa xalqlar o‘nlab yillar davomida bosib o‘tgan yo‘ldan borishi kerak»ligini ta’kidladi.

Ukraina o‘z armiyasi va floti ehtiyojlarini qondirish, shuningdek, «havo qalqoni» tashkil etish va kibermakonda xavfsizlikni ta’minlashga qodir kuchli harbiy-sanoat majmuasini oladi, dedi Zelenskiy. Uning so‘zlariga ko‘ra, Ukraina uchuvchisiz dengiz apparatlarini yasashni o‘rgangan va ulardan muvaffaqiyatli foydalanmoqda. «Har xil turdagi dronlarni ishlab chiqarish Ukrainada Yevropadagi eng qudratli sohaga aylanishi kerak bo‘lgan sohadir», — deya qo‘shimcha qildi davlat rahbari.

May oyi o‘rtalarida Germaniyaning harbiy texnika va qurol-yarog‘ ishlab chiqarishga ixtisoslashgan Rheinmetall konserni Ukrainaning «Ukroboronprom» davlat konserni bilan qo‘shma korxona yaratayotgani ma’lum bo‘ldi. Qo‘shma korxona iyul oyining o‘rtalarida ish boshlashi kerak. Korxona Ukrainaga Germaniya tomonidan «aylanma almashinuv» doirasida yoki to‘g‘ridan to‘g‘ri berilgan harbiy mashinalarni ta’mirlaydi. Kelgusida hamkorlik Ukrainada Rheinmetall mahsulotlarini birgalikda chiqarishga qaratiladi.