11:27 / 22.07.2023
8394

Kiyev CNN’ning qurol-yarog‘ o‘g‘irlangani haqidagi ma’lumotiga munosabat bildirdi

Ukraina Mudofaa vazirligi CNN tomonidan Ukrainada sodir bo‘lgan g‘arb qurollarining o‘g‘irlanishi holatlari haqida tarqatilgan ma’lumotlarga munosabat bildirdi. 

Foto: Ukraina mudofaa vazirligi

Ukraina mudofaa vaziri o‘rinbosari Vladimir Gavrilovning ma’lum qilishicha, AQShning moddiy-texnik yordam sohasidagi inspeksiyasi Amerika tomonidan Ukrainaning qurol-yarog‘ va harbiy texnika hisobiga hech qanday e’tiroz yo‘qligini bildirgan

«Artilleriya, o‘q-dorilar, murakkab havo hujumidan mudofaa tizimlari, zirhli mashinalar - barchasi Ukrainada hisobga olinadi. O‘tgan yili barcha qurol-yarog‘ va harbiy texnikani hisobga olish va logistika orqali o‘tkazishning avtomatlashtirilgan tizimi joriy etildi. Hamkorlar yordamida LOGFAS va «Karavay» dasturlari ishga tushirildi, u harbiy texnikani QR-kod bilan kuzatib borish imkonini beradi», deya Gavrilovning so‘zlaridan iqtibos keltirgan Ukraina Mudofaa vazirligi matbuot xizmati.

CNN Pentagon bosh inspektorining 2022 yil 6 oktyabrdagi hisobotiga tayanib, Ukrainada urushning dastlabki oylarida g‘arb qurollarini o‘g‘irlash holatlari bo‘lganini, ammo keyinchalik ular Ukraina maxsus xizmatlari tomonidan topilib, olib qo‘yilganini xabar qildi. 

AQSh Mudofaa vazirligi hujjatida, shuningdek, qurol-yarog‘ ta’minotini joylarda kuzatish bilan bog‘liq muammolar haqida so‘z boradi.

Top