Qirg‘iziston tashqi ishlar vaziri KXShT bosh kotibi bilan uchrashdi.
Qirg‘iziston tashqi ishlar vaziri Jeenbek Kulubayev Kollektiv xavfsizlik shartnomasi tashkiloti (KXShT) bosh kotibi Imangali Tasmagambetov bilan uchrashdi. Bu haqda Qirg‘iziston Tashqi ishlar vazirligi matbuot xizmati xabar berdi.
Xabarda aytilishicha, tomonlar KXShT doirasidagi hamkorlikni yanada mustahkamlash yuzasidan fikr almashgan.
Tasmagambetov suhbatdoshiga 2023 yilning to‘rtinchi choragida Minsk shahrida o‘tkazilishi rejalashtirilgan Kollektiv xavfsizlik kengashi sessiyasi hamda Tashqi ishlar vazirlari kengashi, KXShT Mudofaa vazirlari kengashi hamda Xavfsizlik kengashlari kotiblari qo‘mitasining qo‘shma majlisiga tayyorgarlik haqida ma’lumot bergan.
O‘z navbatida, Qirg‘iziston Tashqi ishlar vazirligi rahbari Qirg‘izistonning KXShT doirasidagi samarali o‘zaro hamkorlikdan manfaatdor ekanligini bildirdi.
