Fransiya 2027 yilgacha elektr energiyasi ishlab chiqarishda ko‘mirdan voz kechadi

Qayd etilishicha, bu 2027 yilgacha amalga oshadi. Prezidentning so‘zlariga ko‘ra, Fransiya elektr energiyasi ishlab chiqarishda ko‘mirdan voz kechgan Yevropadagi ilk davlatga aylanadi.

Makronning ta’kidlashicha, Fransiya tabiatga karbonat angidrid gazi chiqarilishini ikki baravarga qisqartirgan. 

Le Parisien’ning yozishicha, ko‘mirdan bosqichma-bosqich voz kechiladi. Mamlakatdagi ko‘mirda foydalaniladigan so‘nggi elektrstansiyalar Cent-Avold va Kordeme shaharlarida joylashgan. Ular biomassa yordamida yonish usuliga o‘tkazilishi ma’lum qilindi.

Ma’lumot uchun, 2023 yil aprel oyida Yevroittifoq kengashi «Fit for 55 in 2030» iqlim dasturi doirasida qator qonunlarni qabul qildi. Undan 2030 yilgacha issiqxona gazlarining tabiatga chiqarilishini sezilarli kamaytirishni nazarda tutuvchi qonun ham o‘rin olgan.

Yevropa Ittifoqi rejani amalga oshirish, bundan tashqari, kelajakda uglerod neytralligiga erishish maqsadida ittifoq hududiga import qilinadigan mahsulotlar uchun karbonat angidridni tabiatga chiqarish bo‘yicha sertifikatlar sotuvini qisqartiradi. Xususiy korxonalar uchun esa bu boradagi bepul kvotalar bekor qilinadi.