Tabiatga qariyb 150 mln so‘mlik zarar yetkazilgan.
Foto: Ekologiya va atrof-muhitni muhofaza qilish boshqarmasi
Yuqori Chirchiq tumanida chinor daraxtlari kesib tashlangani ma’lum bo‘ldi. Holat Toshkent viloyati Ekologiya boshqarmasi hamda viloyat prokuraturasi tomonidan o‘tkazilgan ekologik nazorat tadbirida aniqlangan.
Ta’kidlanishicha, tumandagi «Fayzobod» MFY hududida 3 tup chinor daraxti kesib tashlangan. Natijada tabiatga 148 mln 793 ming 500 so‘m miqdorida zarar yetkazilgan.
Holat yuzasidan Toshkent viloyati prokuraturasi tomonidan jinoyat ishi qo‘zg‘atilib, hozirda tergov harakatlari olib borilmoqda.
Bosh prokuratura avvalroq 2023 yilda moratoriyga qaramay, daraxt kesilishi bilan bog‘liq 2427 ta huquqbuzarlik qayd etilgani haqida xabar bergandi.
