O‘zbekistonda texnik qo‘riqlovdagi xonadonlar soni 45 foizga ko‘paydi 

Qayd etilishicha, 2023 yilda shahar, tumanlarda qo‘riqlash bo‘linmalari tomonidan ko‘rsatilayotgan xizmat turlarini keng targ‘ib qilish, xususan savdo va maishiy xizmat ko‘rsatish obektlari hamda aholi yashash xonadonlarini texnik qo‘riqlovga olish bo‘yicha axoli gavjum joylar va mahallalarda o‘tkazilgan yig‘ilish, suhbatlar natijasida texnik qo‘riqlov qamrovi kengayib qo‘shimcha 187 ta tezkor harakatlanuvchi guruhlar xizmati yo‘lga qo‘yildi. Joriy yilda texnik qo‘riqlovdagi obektlar soni 12 foizga, xonadonlar soni 45 foizga ko‘paydi. 

Tezkor harakatlanuvchi guruhlar tomonidan joriy yilda kelib tushgan “tashvish” xabarlari asosida 59 ta o‘g‘rilik jinoyatlarining oldi olingan bo‘lsa, ichki ishlar organlari bilan hamkorlikda sud va tergov organlaridan yashiringan 30 nafar qidiruvdagi shaxslar ushlandi.

Bundan tashqari, joriy yilda “Raqamli qo‘riqlash-2026” strategiyasi qabul qilindi. Unga muvofiq, 22 ta axborot tizimlari ishga tushirilishi rejalashtirilgan.