Sherzod Ibragimov Milliy gvardiya qo‘mondonining birinchi o‘rinbosari bo‘ldi

So‘nggi ikki yilda Yo‘l harakati xavfsizligi xizmatini boshqarib kelgan polkovnik Sherzod Ibragimov faoliyatini Milliy gvardiya qo‘mondonining birinchi o‘rinbosari sifatida davom ettiradi.

Foto: Kun.uz

Prezident qarori bilan, Ibragimov Sherzod Shokirovich O‘zbekiston Respublikasi Milliy gvardiyasi qo‘mondonining birinchi o‘rinbosari lavozimiga tayinlandi. Bu haqda 1 iyul kuni Milliy gvardiya matbuot xizmati xabar berdi.

Tayinlovga qadar Ibragimov Ichki ishlar vazirligida Yo‘l harakati xavfsizligi xizmati boshlig‘i lavozimida ishlayotgan edi.

Ma’lumot uchun, Sherzod Ibragimov faoliyati davomida:

Navoiy viloyati IIB Patrul-post xizmati va jamoat tartibini saqlash boshqarmasi boshlig‘i, Navoiy viloyati IIB boshlig‘ining jamoat tartibini saqlash bo‘yicha o‘rinbosari bo‘lgan.
2022 yil noyabrida IIV Jamoat xavfsizligi departamenti boshlig‘i o‘rinbosari – Jamoat tartibini saqlash xizmati boshlig‘i lavozimiga tayinlangan.
2024 yil iyulidan IIV JXD Yo‘l harakati xavfsizligi xizmati boshlig‘i sifatida ish boshlagan edi.

Eslatib o‘tamiz, joriy yil yanvarida Milliy gvardiya qo‘mondoni lavozimiga Bahodir Toshmatov tayinlangan edi.