MIBga qo‘shimcha 230 ta davlat ijrochisi shtat birligi ajratiladi

Ularning asosiy faoliyati bolalarning manfaatlarini himoya qilishga qaratiladi. Shuningdek, ijro hujjatlari bo‘yicha xatlangan mol-mulkni sotish autsorsingga beriladi.

Foto: Majburiy ijro byurosi

“Sud hujjatlari va boshqa organlar hujjatlarini ijro etish tizimini isloh etish va sohani raqamlashtirish bo‘yicha qo‘shimcha chora-tadbirlar to‘g‘risida” prezident farmoni qabul qilindi.

2024 yil 1 martgacha ijro hujjatlari bo‘yicha xatlangan mol-mulkni shartnoma-vositachilik shartlari asosida realizatsiya qilish tartibi ishlab chiqiladi.

Majburiy ijro byurosiga asosiy faoliyati voyaga yetmaganlar manfaatlarini himoya qilishga qaratilgan qo‘shimcha 230 ta davlat ijrochisi shtat birligi ajratiladi.

Markaziy apparatning Tashkiliy-nazorat va tahlil boshqarmasi tarkibida Monitoring markazi tashkil etiladi.

Markaziy apparatda Aktivlarning hisobini yuritish va boshqarish bo‘limi, Byuroning Qoraqalpog‘iston Respublikasi, viloyatlar va Toshkent shahar boshqarmalarida Aktivlarning hisobini yuritish va boshqarish shu’basi tashkil etiladi.