Milliy turoperator Asialuxe Travel Karlovi Vari va Marianske Lazne solomlashtirish va davolash kurortlariga viza kumagi bilan turpaketlarni taklif etadi.
Chexiya nafaqat ulug‘vor me’morchilik va boy tarixning timsolidir, balki tana va ruhan tiklanish uchun munosib joy ham. Mashhur Karlovi Vari va Marianske Lazne kurort shaharlari salomatlik va farovonlikni tiklashga intilayotganlar uchun haqiqiy voha hisoblanadi. Milliy turoperator Asialuxe Travel kurortlarga keng qamrovli turpaketlar tayyorladi.
Karlovi Vari uzoq vaqtdan beri salomatlikni tiklash va turli kasalliklarni davolash uchun eng mashhur joy unvonini saqlab kelmoqda. Marianske Lazne esa Chexiyadagi ikkinchi mashhur kurort bo‘lib, u 16 buloqdan chiqadigan sovuq kislotali mineral suvlar bilan davolashi tufayli mashhur. Ikkala dam olish maskanida keng ko‘lamli dasturlar, shuningdek, zamonaviy kurort muolajalari va dam olish usullari mavjud.
Dam olish maskanlarida qanday kasalliklar davolanadi? Asosiy usullardan biri - ovqat hazm qilish tizimi, tayanch-harakat tizimi, stress, depressiya, diabet, bronxit va astma kasalliklarini davolashda yordam beradigan termal mineral suvlar.
Shuningdek, bunday suvni ichish umumiy xolesterin, qondagi siydik kislotasi, vazn, oshqozon osti bezida insulin, glikogen miqdorining pasayishini ta’minlaydi va umuman organizmga ijobiy ta’sir ko‘rsatadi.
Termal suvlar tashqi foydalanish uchun ham qo‘llaniladi: mineral vannalar bo‘g‘imlarning qattiqligini, mushaklarning spazmlarini bartaraf etishga, asab tizimini tinchlantirishga va miya, yurak va boshqa organlarda qon aylanishini yaxshilashga yordam beradi, ingalyatsiyalar esa periodontal kasalliklarni davolash uchun ishlatiladi.
Torf loyiga va karbonat angidridga asoslangan murakkab protseduralarni o‘tkazish yallig‘lanishga qarshi ta’sirga ega, immunitet tizimini mustahkamlaydi, hujayralarni kislorod bilan to‘yintiradi va qarish jarayonini sekinlashtiradi.
Marianske Lazneda remissiya mobaynida saraton kasalligidan keyin reabilitatsiyadan o‘tish mumkin.
Ikkala dam olish maskanida to‘g‘ridan-to‘g‘ri davolanishdan oldin siz kerakli analizlarni topshirishingiz, tekshiruvdan o‘tishingiz va maslahat olishingiz mumkin. Har bir tashrifchi individual yondashuvni oladi va protseduralar to‘plami ishlab chiqiladi.
